ВИДЕО | По долго двоумење Трамп ја нарече Русија агресор
Американскиот претседател Доналд Трамп во неделата ја повтори својата подготвеност да воведе нови санкции врз Русија, но постави јасен услов – посилен одговор од европските земји и сојузниците на НАТО.
Препорачано
Во разговор со новинарите, Трамп нагласи дека акциите на САД зависат од европските потези, критикувајќи ги сојузниците за она што тој го смета за недоволен придонес кон заедничката безбедност, пишува Киев пост.
FINALLY!!! Trump admits that russia is ‘aggressor’ 👇🏻 pic.twitter.com/c8VBU6SNTL
— Alex Raufoglu (@ralakbar) September 15, 2025
„Европа купува нафта од Русија. Не сакам тие да купуваат нафта“, нагласи Трамп. „А санкциите што ги воведуваат не се доволно строги. Јас сум подготвен да воведам санкции, но тие ќе мора да ги заострат своите санкции пропорционално на она што го правам јас“, додаде тој.
Оваа позиција, која тој ја условува со акцијата на САД, е тема што се повторува во неговата политика.
„Тие не си ја работат својата работа. НАТО мора да се обедини. Европа мора да се обедини“, рече тој, додавајќи дека „не може да се очекува од нас да бидеме единствените што одат напред со полна пареа“.
„Омразата меѓу Зеленски и Путин е несфатлива“
Трамп, исто така, се осврна на можноста за директна средба меѓу украинскиот претседател Володимир Зеленски и рускиот претседател Владимир Путин. Запрашан за перспективите за мировни преговори, тој рече дека омразата меѓу двајцата лидери е „несфатлива“.
„Тие се мразат толку многу што не можат да дишат“, рече тој, инсистирајќи дека тој е клучот за нивно зближување. „Мислам дека ќе морам јас да зборувам“.
Иако состанокот сè уште не е потврден, Трамп изјави дека ќе се одржат разговори.
„Ќе има разговори. Без разлика дали ќе го наречете самит или само собир, не е важно, но веројатно ќе морам да се вклучам. Тие не се способни да разговараат еден со друг.“
Трамп ја нарекува Русија агресор
Во своето обраќање, Трамп го истакна човечкиот број на жртви од војната, наведувајќи бројки за жртвите.
„Речиси 8.000 млади војници загинаа оваа недела од двете земји… всушност 8.017 – загинаа оваа недела во таа војна – рече Трамп.
Тој иако претходно се двоумеше, овој пат не се двоумеше да ја нарече Русија агресор.
„Знаете, кога сте агресор, губите повеќе. Не знам дали го знаете тоа, но во војна, кога сте агресор, обично губите повеќе – подвлече Трамп.
