Патиките кои ги носеше Коби Брајант во натпреварот на 12 април 2013 година против Голден Стејт кога доживеа тешка повреда на Ахиловата тетива се продадени на аукција.

Брајант во тој натпревар против Голден Стејт доживеа една од најтешките повреди во кариерата, но одлучи да застане на линијата за слободни фрлања и да шутира двапати и покрај тоа што едвај стоеше на нозе и имаше големи болки.

Ги погоди Брајант двете фрлања кои му беа 33 и 34 поен во натпреварот за водство на Лејкерс од 110:108. На крајот Лејкерс славеа во натпреварот со 118:116, а моментот кога Брајант повреден ги шутира слбодните фрлања аукциската куќа „Sotheby“ го опиша како најдобар пример за неговиот менталитет.