Затворениот лидер на забранетата Курдистанска работничка партија (ПКК), Абдула Оџалан, се појавува во видео порака, во која ги повикува членовите на организацијата да продолжат со формално разоружување.

Оџалан вели дека вооружената борба против Турција е завршена и повикува на целосен пресврт кон демократска политика.

BREAKING — PKK’s imprisoned leader Abdullah Ocalan is heard for the first time in decades.

He calls PKK to formally disarm itself, says Kurdish identity is recognised by Turkey and therefore no armed struggle is needed
pic.twitter.com/Anw0Zxs3Ky

— Ragıp Soylu (@ragipsoylu) July 9, 2025

Во видеото, кое датира од јуни и е објавено од новинската агенција Фират, која е поврзана со ПКК, Оџалан го повика турскиот парламент да формира комитет кој ќе го надгледува разоружувањето и ќе управува со поширок мировен процес.

Тој, исто така, рече дека ПКК ја завршила својата сепаратистичка агенда, опишувајќи ја промената како „историска добивка“.

ПКК во мај одлучи да се распушти и да ја прекине својата борба. Таа е прогласена за терористичка организација од страна на Турција, САД и Европската Унија. Оџалан е во затвор од 1999 година и останува исклучително моќна фигура за курдските борци и нивните поддржувачи.