Кошаркарите на Оклахома  славеа важна победа во полуфиналната серија на плејофот од Западната конференција, совладувајќи го Денвер на гостински терен со резултат 92-87. Со оваа победа, Оклахома ја врати предноста на домашен терен и ја израмни серијата на 2-2.

Најефикасен во победничкиот тим беше Шеј Гилџус-Александер со 25 поени, на кои додаде шест асистенции и шест скока. На другата страна, актуелниот МВП, српскиот центар Никола Јокиќ, одигра уште еден одличен натпревар со 27 поени и 13 скока, но тоа не беше доволно за победа на Денвер.

Првото полувреме мина во знакот на цврстата одбрана и слабата реализација, особено во првата четвртина кога Денвер постигна само осум поени, што е нивни најслаб учинок во една четвртина во плејоф натпревар. Тандер исто така не блескаа, но сепак ја завршија првата делница со водство од 17-8. Инаку, комбинацијата од само 25 поени на двете екипи е најмалку постигнати поени во една стартна четвртина од плејоф натпревар.

На полувреме, Оклахома водеше со 42-36, но Денвер се врати во третата четвртина со серија од 22-10 и поведе со 58-52. Сепак, Тандер не се предаде, на четири минути пред крајот, по четири врзани поени на Гилџус-Александер, гостите поведоа со 84-78 и не дозволија пресврт до крајот на мечот.

Петтиот натпревар се игра во Оклахома Сити во ноќта меѓу вторник и среда по средноевропско време.