Во траорен молк, носејќи фотографии од загинатите чеда во рацете, блиските на жртвите во пожарот во дискотеката „Пулс“, нивните пријатели и другари и граѓани од повеќе македонски градови денеска маршираа низ улиците на Кочани на осмиот по ред „Марш за ангелите“, преку кој упатија порака дека ја чекаат правдата.

Тие носеа транспаренти со порака до сите во Македонија: „Ние изгубивме, вие имате уште за што да се борите“.

Ова е осми по ред марш кој го организираат семејствата на загинатите во трагичниот пожар кој се случи на 16 март, во кој загинаа 62-ца млади луѓе, а преку 200 беа повредени.