Сантос по подолго време конечно им се врати на победите, а херој на тимот беше ветеранот Нејмар кој постигна два гола во триумфот од 3-1 над Хувентуд.

Со два гола, Нејмар беше клучниот играч во победата. Прво ја затресе мрежата во 37. минута и го отвори резултатот, а потоа во финишот на десетина минути пред крајот кога го потврди триумфот на својот тим.

Ова беа први голови за Нејмар по повеќе од еден месец. Последен пат се запиша во листата на стрелци против Фламенго, кога го постигна единствениот гол на натпреварот. Со овој настап, тој им покажа на сите дека сè уште има што да понуди, а навивачите на Сантос сигурно се надеваат дека ова е само најава за подобри денови.