Слободан Петровиќ, еден од добитниците на овогодинешната награда „13 Ноември“ денеска во Утрински брифинг зборуваше за значењето на оваа награда по долгогодишниот ангажман како новинар и публицист.

– Ова е признание кое би сакал да го добие секој кој оставил свој белег во јавниот и општествениот живот во Скопје. Во оваа награда се вложени големи материјални и духовни капацитети. Јас целиот свој живот го посветив на новинарството и издаваштвото. Затоа и толку многу се радувам за наградата, а благодарен сум и на тие кои ме номинираа и ме изгласаа, рече Петровиќ на почетокот на разговорот.

Тој жали за сите згаснати печатени медиуми на кои, од времето на Екран, па до Утрински весник.

– Екран беше југословенски феномен, не само македонски, затоа што имаше просечен тираж од 105.000 примероци. Жал ми е што престана да се печати ова списание, но жалам и за останатите македонски медиуми, за списанијата кои беа макотрпно создавани, а беа насилно затворени. Тоа се Дневник, Утрински весник, Вест, Теа Модерна, Пулс. Сега со задоволство го читам „Слободен печат“, таму има прекрасни новинари а морам да се пофалам, дел се и мои ученици, додаде Слободан Петровиќ.

Конкурирајќи за наградата, тој подготвил книга од 120 страници, во која се прикажани неговите достигнувања.