Колку потрошувачите имаат можност да влијаат врз модната индустрија, колку имаат избор да извршат промена во модните трендови, се едни од прашањата кои се поставуваат во видеото на ПЕТА- Be a Sweater They Said, (Биди џемпер, тие кажаа).

-И најдобриот начин на кој потрошувачите можат да имаат влијание е едноставно со одбивање да се купат производи што се направени од животни – велат од оваа организација за етички третман на животните (people for ethical treatment of animals).

ПЕТА ги зголемува активностите за промена на целокупната глобална модна индустрија. Па така најновиот проект е насочен кон индустријата за текстилни производи од животинско потекло, која вклучува облека направена од кашмир, кожа, долна облека и свила. Нивното видео, визуелноста и јазикот се вознемирувачки – изложуваат модни фабрики ширум светот, прикажувајќи животни кои биле злоупотребувани во интерес на снабдување на барањата на профитабилната индустрија.

Слоганот на ПЕТА, „Биди џемпер тие кажаа”, е инспириран од виралното видео во 2020 година, во кое учествуваше поранешната кандидатка за градоначалник на Њујорк, Синтија Никсон, за проектот наречен „Биди дама, тие кажаа“, во кое таа зборува за двојните стандарди што ги трпат жените во однос на секој аспект на нивниот изглед и однесување.

За режисерот Срѓан Јаниќијевиќ едно од поголемите проблеми да се изработи спотот било да се одберат матертијалите. Она што вознемирува на страна од самото убиство е начинот на кој што тоа го прават. Дури и да сакавме да не изгледа толку брутално, од тој документарен материјал не можеш ништо друго да извадиш.

-Имаше неколку пораки и подпораки. Затоа главна цел е да успеам да ве натерам да го изгледате цело видео. Има прекрасни кадри и како контраст на тие кадри ја има таа цела бруталност, од која треба да ви се згади цела таа индустрија. Ова е еден од начините на кои што може да ви се обратиме. „ПЕТА“ никогаш не зборувала во ракавици и мислам дека е потребно да се види, бидејќи луѓето не знаат. Мислам дека е важно да се види на кој брутален начин е тоа направено без потреба. Според светските реакциите може да се заклучи дека има огромен број на луѓе кои рекоа дека ќе престанат или ќе се обидат да престанат да користат облека од таквите брендови. Мислам дека бередовите ќе со продолжат да ја играат својата игра – дека се многу фини итн.. Јас не видов негативни коментари. Вие гледате дека модната индустрија и нас конзумерите не третира како стока, како потрошувачка роба, вели Јаниќијевиќ.

-Цел материјал што е снимен е направен и работен во Скопје. Документарниот дел беше снимен во САД, но цел материјал е дојден тука. Голема екипа стои зад видеото, и горд сум што успеавме да направиме толку комплицирано дело и го добивме тој производ, вели Јаниќијевиќ.

Целиот разговор погледнете го видеото: