Вендор е платформа која овозможува брза изработка на е-продавници, поврзување со виртуелно посттерминали и банки, поврзување со карго компании и системи за следење на пратки, магацинско сместување и се што им е потребно на компанииите и физичките лица да можат да продаваат онлајн, изјави во Утрински брифинг претприемачот Бобан Милосавлевски.

Во изминативе 5-6 години активно работиме и на македонскиот и на странскиот пазар во делот на електронската трговија и ги нотиравме главните проблеми и предизвици со кои компаниите се соочуваат кога сакаат да направат дигитална трансоформација. Со помош на тим од 20 програмери од Македонија и Србија седнавме и решивме дека ќе најдеме решение за сите оние потешкотии кои им се јавуваат на компаниите, особено на оние кои немаат свој ИТ сектор и маркетинг оддел.

-Платформата овозможува брза трансформација на компаниите, го крати времето за изрљаботка на електронска продавница од еден месец на само неколку клика, сите процедури кои се со банките седнавме и ги договоривме се со цел да се намали сивата економија, додава Милосавлевски.

Целиот разговор погледнете го во видеото: