Mилан во дербито против Лацио попладнево забележа сигурна победа од 2:0, победата „росонерите“ ја обезбедија уште во првото полувреме кога ги постигнаа двата гола.

Триумфот на Милан секако беше добредојден и поради киксот против Кремонезе пред неколку дена. Резултатот беше отворен по една грешка во одбраната на Лацио, а тоа го искористи Исмаил Бенасер. По половина час игра Милан ги постави конечните 2:0 со голот на Тео Ернандез кој го претрча скоро цел терен пред да погоди.

Покрај победата Милан не може во целост да биде задоволен и ќе ги чека прегледите на Рафаел Леао кој беше заменет во 10-тата минута. Голем хендикеп за тимот на Пиоли би било евентуално негово отсуство во полуфиналето од ЛШ против Интер во среда.