Премиерот и претседател на ВМРО-ДПМНЕ, Христијан Мицкоски, во објава на „Икс“ со пропагандно видео снимено и измонтирано како да е дел од изборна кампања, вели дека изминатите четири години неговата работа и на тимот околу него била „насочена кон секој граѓанин и кон реализација на ветувањата дадени во програмата“.

Во својата порака, изречена во говор на партиски собир на ВМРО-ДПМНЕ, Мицкоски вели дека приоритет биле конкретни мерки и проекти кои, како што вели, директно влијаеле врз подобрување на секојдневието на луѓето и создавање подобри услови за живот.

Тој ја споменува и „длабоката држава“ – термин што го користат луѓето кои веруваат во теориите на заговор и кој треба да ги означува „невидливите“, скриени сили кои од позадина ја управуваат државата, без да се покажат јавно.

„Покажавме дека четири години работиме за секој човек, и дека програмата која ја ветивме во најголем дел ја остваривме. Покажавте срце и енергија за вашите општини, со секоја промена која ја направивте. Ги вративте вашите општини на вистинскиот пат. Народот ќе ја врати иднината во свои раце, ќе воспостави правда и ред, и ќе стави крај на „длабоката држава“ која три децении ја гуши Македонија“, вели Мицкоски во пропагандното видео.

Ако се земат предвид последните 30 години, од 1995 година наваму, во поголемиот дел од тие години (16), на власт беше партијата која сега ја предводи Мицкоски – ВМРО-ДПМНЕ.

Покажавме дека 4 години работиме за секој еден човек, и дека програмата која ја ветивме во најголем дел вие ја остваривте. Покажавте срце и енергија за вашите општини, со секоја промена која ја направивте. Ги вративте вашите општини на вистинскиот пат, патот на промените,… pic.twitter.com/cMRImNCRwN

— Христијан Мицкоски (@MickoskiHM) August 26, 2025