Зимата ни доаѓа, а со неа и зимските спортови , но и незибежното движење во зимски услови. Понекогаш едноставно одење до продавница во услови на снег и мраз знае да биде опасно, да паднеме и да се повредиме. Зимските спортови пак се полни со ризици, за тоа е важно да знаеме како да се однесуваме за да не дојде до повреда.

Зимските спортови може да предизвикаат исчашување и скршеница. Со физиотерапевтот Илија Жежов во утринската емисија „Слободен печат“ на Слободна ТВ  разговаравме за тоа како физиотерапијата делува врз лекувањето на повреда настаната во зимски услови. Тој вели дека не ретко луѓето на своја рака  се лекуваат.

– По настаната повреда понекогаш луѓето за да ја намалат болката на своја рака преземаат нешто, наместо да појдат веднаш на лекар или кај фзиотерапевт. На пример, не ретко пациетите ќе споделат дека ставиле зелка на повредата за да го наламат отокот, тоа е стар метод за лекување кој го практикувале нашите предци. Денес современата медицина носи пософистициран начин на лекување, рече Жежов.

Го прашавме кои делови од телото најчесто стардаат при зимските спортови и како се одредува техниката која ќе се применува кај пациентот.

– Кога пациентите доаѓаат во нашата ординација прво што правиме е терапевтски преглед, со цел да видиме дали има минимална повреда или скршеница, фрактура. На почетокот најдобро е да направиме четири до пет масажи кои ќе помогнат болката да се повлече за да може пациентот да се движи нормално, а по кратко време и да се врати на спортот, но доколку се работи за посериозна повреда им забрануваме да спортуваат, вели Жежов.

Целото интервју со Илија Жежов можете да го погледнете во продолжение: