Доаѓањето до странски инвестиции во државата е постапка што подразбира создадени услови и конкурентност во однос на соседните држави, промоција и придобивки за инвеститорите и за државата.

Од секоја инвестиција, независно дали е од домашен или странски инвеститор, вработените во технолошко индустриските развојни зони (ТИРЗ) имаат можност да го подобрат сопствениот квалитет на живот.

– За ТИРЗ Тетово би можел да истакнам дека таа е единствената Зона што функционира според принципот на јавното приватно партнерство. Целосното управување или менаџирање и развојна структура е во надлежност на НОРМАК ИНВЕСТ ГРУП. Оваа групација има потпишано договор за јавно приватно партнерство со Владата на Република Северна Македонија во 2013 година од кога започнува развојот на Зоната. Во споредба со другите Зони постојат одредени разлики кога се има предвид ТИРЗ Тетово. Оваа Зона нуди бенефити и бенефиции за странските и за домашните инвеститори што ги има и во другите зони. Посебна специфичност на оваа зона е менаџирањето се темели врз 100% норвешки капитал и најголем акционер со сопствени средства е норвешката Влада. Ова го изјави Александар Зарков генерален менаџер на Нормак инвест груп во емисијата Утрински печат на Слободна ТВ.

Развојот на држави, како што е Македонија се темели на знаење и технологија од развиените западни држави кои се најчесто присутни во зоните.

-Во Зоната често доаѓаат бизнис претставници од Норвешка, како и од нивното министерство за надворешни работи. Тоа сакаат да го поддржат, копираат и промовираат нашиот успешен модел што функционира во државата со цел да го понудат на земјите во регионот. Ова претставува потврда дека сме на вистински пат за нашиот развој и промоција за еден ваков проект – истакна директорот на ТИРЗ Тетово, Зарков.

Зоната функционирате според моделот на јавно приватно партнерство и овој модел норвешките претставници им го препорачуваат на други држави во соседството.

-Овој модел за функционирање на ТИРЗ како јавно приватно партнерство не доаѓа како предлог од Норвешка, туку е резултат на Закон за јавно и приватно партнерство за кое е надлежно министерството за економија. Ова е еден од првите и најголем Договор за јавно и приватно партнерство во нашата држава, а беше потпишан во 2013 година. Од НОРМАК ИНВЕСТ ГРУП досега се инвестирани повеќе од 40 милиони евра за развој и управување, услуги и бенефиции што ги нудиме на клиентите. Во Зоната може да се јават домашни инвеститори и ова беше моја лична заложба по прифаќање на работата да ја промовирам и објаснувам можноста дека под исти услови може да инвестираат. Со еден збор, вратите на домашните инвеститори во ТИРЗ се еднакво отворени како и за странските. Странските и домашните инвеститори во зоните имаат еднаков третман и нема привилегии за едни или да има дискриминација за други – потенцира генералниот директор на ТИРЗ Тетово Зарков.

Целиот разговор погледнете го во видеото: