На Украина и е потребна ударна моќ и моќ која што ќе обезбеди маневар. Западната донација на тенкови која се одвива во моментов за украинските сили во суштина обезбедува два принципи на војувањето а тие се маневарот и ударната моќ на украинските сили. Со овие возила односно тенкови би требало да се подигнат капацитетите на Украина за евентуална офанзива која би требало да ја реализира доколку Киев успее да ги задржи линиите барем оние кои што сега се поставени. Тоа значи дека доколку успее да ги задржи овие линии на фронтот, ќе следува контраофанзива која би имала решавачки битки. За да можат ова да го остварат потребни им се токму ваквите возила односно тенкови на украинските сили, истакна универзитетскиот професор Методи Хаџи Јанев при гостувањето во емисијата „Утрински печат“.

Хаџи Јанев во исто време коментираше дека донацијата на западните тенкови и оклопни возила за украинските сили во исто време може да направи проблеми во однос на нивната логистика и самото нивно одружување на фронтот.

– Тенковите од западно потекло ќе бидат вистински хорор за логистиката. Украина ќе располага со различни производители на возила, различни резервни делови кои би можеле да предизвикаат проблеми за војската. Во исто време треба да се види што ќе донесе донацијата на овие возила. Едно е вие да добиете само тенкови а друго е да добиете цел пакет со нив во смисла на муниција, резервни делови и сл. – посочи професорот Хаџи Јанев.

Тој додаде дека овие информации за обновување или зајакнување на оклопната дивизија говорат дека Украина на големо размислува за пролетна офанзива на теренот.

Хаџи Јанев се осврна и за тоа зошто руската авијација не е присутна на небото во Украина.

– Има две причини за изоставувањето на руската авијација во борбите во Украина. Првата е што дроновите покажаа дека воздухопловните сили станаа прескапа алатка за вложување во армиите. Тука мислам на се поинтензивното вклучување на беспилотните летала во војните пред се поради нивната финансиска исплатливост но и намалениот ризик за загуба на човечки животи. И втората причина е вушност која е замислата на целиот концепт на војување. Овдека сакам да посочам дека за употреба на авијацијата армиите треба прво создадат услови за употреби на целиот систем за поддршка на авијацијата што мислам дека во Украина засега е тешко остварлив – посочи Хаџи Јанев.

Повеќе од разговорот со професорото Хаџи Јанев можете да го погледнете во видеото во продолжение…