Подигањето на свеста и мобилизација на јавноста за опасностите кои ги демнат младите во училиштата кој кај нас го направи експертската јавност и политичкото водство е за поздрав. Ама, тоа не е се, тоа е само почетокот на превенцијата. За тоа е потребна деталан системска реформа, и задвижување на актерите кои се релевантни во заедницата и треба да го пополнат вакуумот кој се создаде во образованието и воспитувањето на децата. Локалните власти, советите за првенција, училишниот кадар (педагози, психолози и наставници), социјалните работници, локалната полиција, јавното здравство се актерите кои заедно со децата и родителите треба да го пополнат вакуумот кој генерира негативни вредности. За тоа сепак, да не се лажеме треба да има политичка волја и да прекинеме со старите практики на политизација нема да има ни р од реформа, а со тоа и превенција, истакна универзитетскиот професор Методи Хаџи Јанев при гостување во емисијата „Утрински печат“ осврнувајќи се на тоа дали случувањата од соседна Србија би можеле да се прелеат и во македонското општество и што треба да се превземе до тоа да не дојде.

– Неопходно е мобилизација на неколку слоја на актери во општеството се со цел да има подигање на јавната свест, квалитетот на образованието и вистинска децентрализација на локалната власт која според мене можеби е најмеродавна која може да одговори на предизвиците со кои се соочуваат младите. Поголемо вклучување на јавното здравство во образовниот систем исто така е важно како и справување со партизацијата кои го мачи нашето општество. Секако и активниот разговор во децата во кругот со семејствата можеби се само дел од коцките на системот кој може да создаде знаци за рано предупредување да не дојде до вакви несакани појави во општеството наликум оние во Србија – посочи Хаџи Јанев.

Професорот истакна дека Балканот кој има наследство во нелегално оружје од војните во минатото преставува сериозен проблем по безбедноста на граѓаните во регионот, вклучително и Македонија каде според него можеби е добро повторно полицијата да организира кампањи за анонимно предавање на нелегално оружје без кривична одговорност.

– Бројќите кои се лиферуваа во јавноста за нелегалното оружје на Балканот по случувањата во соседството морам да истакнам дека не се нови, но тие и те како говорат дека во регионот преовладува многу нелегално оружје. Она што е релевантно за таа проблематика можеме да го увидиме токму преку настаните со кои се користи ова оружје а се присутни во насловните страници на медиумите од регионот. Постојано имаме пукања, немили убиства, нерасчистени случки за корисење на огнено оружје говори дека во реалноста имаме многу нерегистрирано оружје меѓу луѓето – вели Хаџи Јанев и додава дека иако има казнена политика за недозволено држење оружје и муниција таа на терен не функционира.

Униврзитетскиот професор Методи Хаџи Јанев во разговорот во студиото на „Утрински печат“ говореше и за последните случувања во Бахмут, Вагнер групата и нивните нови барања до Москва за дотур на муниција на фронтот.

– Анализите на теренот околу Бахмут говорат дека доколку се сака да се направи вистинска контраофанзива на терен кој е долг 160 километри најмалку ќе ви се потребни 160 јуришни батаљони, тоа е огромна бројка во моментов за Украина која што таа и покрај трите корпуси која успеа да ги мобилизира сепак е невозможно да се постигне. Сето тоа наведува дека можеби ќе нема големо одвраќање на руските трупи од Истокот како што досега се најавуваше и дека војната со вакво темпо, сили и техника би можела да потрае уште најмалку две до три години – оцени Хаџи Јанев.

Повеќе од разговорот со универзитетскиот професор Методи Хаџи Јанев можете да погледнете во видеото во продолжение..