Хантер Бајден, синот на новоизбраниот претседател Џо Бајден, чии финансии ги истражува американското обвинителство во Делавер, сепак има 10% сопственост во кинеска приватна компанија, пишува „Волстрит журнал“.

Во извештајот се вели дека Skaneateles LLC, компанија во сопственост на Хантер Бајден, сè уште поседува удел во компанијата Bohai Harvest RHT Equity Investment Fund Management Co., која е главно финансиранa од Bank of China Ltd.и други големи државни финансиски компании.

На почетокот на овој месец, Џо Бајден им изјави на новинарите дека Хантер нема да биде вклучен во „никаква деловна активност, која било компанија што е во конфликт или изгледа  дека е во конфликт таму каде што има соодветно растојание од претседателското место“.

„Никој од моето семејство нема да има канцеларија во Белата куќа, тие нема да седат на состаноци како да се членови на кабинетот, всушност тие нема да имаат  било какви деловни односи со некој што е поврзан со странска корпорација или странска држава“, рече тогаш Бајден.

Извор близок до Хантер Бајден за „Фокс њуз“ изјави дека синот на новоизбраниот претседател сè уште е во процес на олеснување на товарот на сопственост.

Аксиос: За обвиненијата на Доналд Трамп против синот на Џо Бајден се расправа само низ социјалните мрежи

НЕМА ИСТРАГА ЗА СИНОТ НА БАЈДЕН: Кинезите не планираат да се мешаат во внатрешните работи на САД