Реалноста е дека, по бројот на матични гинеколози во Македонија, за жал, имаме бројка која нè ограничува и која што целосно не го покрива населението и територијата на државата. Иако моделот не е лош, сам по себе, во однос како функционираат матичните со ФЗОМ, но имаме сериозен системски проблем кој што укажува дека генерации наназад не сме создавале доволно гинеколози, нагласи доктор Александар Митов во денешното издание на „Утрински брифинг“.

– Сега сме најдени во ситуација во која, за жал, можеби на некои моменти треба нешто да импровизираме со цел да решиме голем дел од тие проблеми, бидејќи вие имате еден значителен дел од женската популација кај нас кој што не е приврзан кон матичен гинеколог. Ако тој прв чекор не е направен, тешко е подоцна да се збори за скрининзи, за добро репродуктивно здравје, следење на здрава бременост, коментира Митов.

– Имаше обиди за ова. Од државата се помогна со специјализации и мислам дека бенефитите ќе се видат и малку по малку ќе се поправа оваа слика, но генерално кубуриме. Мора да се соочиме и да работиме од околу, додаде Митов.

Целиот разговор со доктор Александар Митов можете да го погледнете во видеото: