ВИДЕО: Хрватскиот конзул во Израел и сопругата се ранети, иранска ракета ја погоди нивната зграда во Тел Авив
Во ракетниот напад на Иран врз Израел утрово е повреден и хрватскиот конзул и неговата сопруга, објавија хрватските медиуми.
Препорачано
Погодена била зградата каде што живее хрватскиот конзул во Тел Авив. Во нападот, според информациите, загинале неколку луѓе, а десетици се повредени.
Снимка од ударот е објавена на социјалните мрежи.
The moment when a ballistic missile launched by Iran hit a building in Tel Aviv. https://t.co/jMruRX3mCe
— Gohahwei (@Gohahwei1) June 14, 2025
Хрватската амбасадорка во Израел, Весела Мрѓен Кораќ, потврди за порталот „24 сата“ дека ситуацијата во Израел е исклучително сериозна.
-Во нападот загинаа неколку лица, додека десетици беа повредени. Меѓу повредените се и хрватскиот конзул и неговата сопруга, кои претрпеа полесни повреди. Зградата каде што престојуваа претрпе сериозни оштетувања. Поради затворениот воздушен простор и честите напади, евакуацијата засега не е можна – изјави амбасадорката.
Непријателствата меѓу Иран и Израел ескалираа во текот на изминатата ноќ, со повеќе ирански одмазднички ракетни напади по масовниот удар врз повеќе цели во Иран од страна на израелската војска.
ВИДЕО: Израелски авиони удираат врз Иран, ирански ракети паѓаат врз Ерусалим и Тел Авив
