Манчестер Сити одигра одличен натпревар во ФА Купот во кој го победи Лутон со 6:2, а херој беше Норвежанецот Ерлинг Халанд кој постигна дури пет од шестте гола на својот тим.

Халанд така стана првиот фудбалер на Манчестер Сити кој постигнал пет гола во ФА Купот уште од 1926 година. Петте гола Халанд ги постигна до 58. минута, а Гвардиола го замени во 77. минута. Исто така Норвежанецот стана и првиот фудбалер кој постигнал пет гола откако тоа му успеа и на натпревар во Лигата на шампионите минатата година.

Со Халанд се истакна и Кевин Де Брујн кој му асистираше за четири од петте погодоци, Белгиецот иако беше повреден пет месеци веќе има 11 асистенции сезонава во одиграни само 12 натпревари. Преостанатиот гол во вчерашниот натпревар беше дело на Матео Ковачиќ, додека двата гола на Лутон ги постигна Кларк.