Фото: илустрација / EPA/BRAIS LORENZO

ВИДЕО: Грција бара помош од ЕУ додека пожарите се шират низ целата земја

Грција побара помош од Механизмот на Европската Унија за гаснење на шумските пожари што продолжија или избувнаа денес низ целата земја, која е погодена од суша и силни ветрови, пренесуваат грчките медиуми.

 

Најопасните нови пожарни фронтови се на западниот јонски остров Закинтос, во Воница и Превеза, градови во западниот дел на грчкото копно, и во префектурата Ахаја во западниот дел на Пелопонез, каде што се спроведени околу дваесетина превентивни евакуации, соопшти Грчката противпожарна служба.

„Денес низ целата земја избувнаа вкупно повеќе од сто пожари, а за да се справи со нив, Грција го повика Механизмот на ЕУ да прими уште четири противпожарни авиони“, рече Василис Ватракојанис, портпарол на Противпожарната служба.

Бројните пожари, особено во западна Грција, ја натераа полицијата да започне истрага.

 

Атинската опсерваторија предупреди дека „интензивните суви атмосферски услови создаваат многу поволна средина за пожари“, додека температурите се во рамките на нормалните нивоа за сезоната, со максимум 35 степени.

Алармот во Пелопонез, полуостровот Атика и западна Грција е зголемен од „црвено“ – многу висок ризик од пожар – на „екстремен ризик“, се вели на веб-страницата.

Остатокот од Грција е ставен под „црвено“ или „портокалово“ ниво на аларм. Силни ветрови со брзина од над 80 километри на час преовладуваат во Грција од минатата недела и пожарите се шират, при што во петокот загинаа три лица, од кои двајца беа туристи од Виетнам.

Во саботата, пожар на 30 километри од Атина ги опустоши населбите и обработливото земјиште во приморските одморалишта Палеа Фокеа и Кератеа, кои беа делумно евакуирани. Повеќе од 20.000 хектари изгореа од јуни низ цела Грција, која е погодена од продолжен топлотен бран со температури над 43 степени Целзиусови од средината на јули.

Според прогнозите на Грчката национална метеоролошка служба, силните ветрови ќе продолжат во среда и четврток.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот