Додека надвор е топло, не ни се јаде тешка храна, ниту пак, сакаме да се препотуваме во кујната, па ова грчко мезе е идеална опција за жешките летни денови. Ако некогаш сте пробале бујурди во Грција, тогаш знаете за какво гастрономско чудо станува збор, а ако не сте пробале, крајно време е вашата кујна да замириса на овој ароматичен специјалитет.

Лесно се подготвува, со само неколку состојки. А она што ви треба се најубавите вкусови на летото – фета-сирење, домати, пиперки…

Се пече само 15-ина минути, а најдобро е да се послужи со препечен леб.

Ова е рецепт за врвни хедонисти.

Состојки:

– 200 грама фета-сирење или слично бело сирење (овчо, козјо)
– 50 грама кашкавал
– 1 домат исечен на мали коцки
– 3 лажици маслиново масло
– ½ лажица оригано
– 1 лута свежа зелена пиперка (ако не сакате луто, користете обична пиперка)

Подготовка:

Веднаш вклучете ја рерната на 200 степени. Најдобро е да земете мал огноотпорен сад.

Ставете ја фолијата, поголемо парче, за да можете подоцна сѐ да завиткате, па врз тоа хартијата за печење. Во средината ставете парче фета-сирење. Врз фета-сирењето ставате домат што сте го исечкале на ситни коцки и врз тоа пиперката, лута или обична по желба.

Сè залејте со маслиново масло и посипете со оригано. Одозгора, на врвот наредете коцки кашкавал.
Кога ќе ги ставите сите состојки, земете ги краевите од фолијата и затворете ги во пакетче, кое при врвот убаво ќе го прицврстите. Ако готвите во мал сад, доволно е само да го покриете со алуминиумска фолија.

Печете на 200 степени околу 15 минути додека да се растопи кашкавалот.

Извадете ги бујурдито, па со лажица добро изгмечете ги сите состојки за да се измешаат.

Сервирајте со препечен леб.

Пријатно!