Фото: Фејсбук

ВИДЕО: Голем пожар во Штип, изгореа два стана

Голем пожар се случи во зграда на улицата „Широк Дол“ во Штип доцна попладнево, а по околу едночасовна борба, пожарникарите успеаја да го изгаснат огнот, кој избувнал во еден од становите, а потоа зафатил уште еден.

Станарите биле навреме евакуирани од зградата, јавуваат локалните медиуми. На еден од нив му била укажана лекарска помош поради вдишување чад.

Станарите за МИА велат дека глетката била срашна, а пожарот избувнал во стан во кој немало струја. Според нив, ова не е првпат да се пали овој стан и се сомневаат дека пожарот настанал од запалена свеќа.

Според надлежните од Итната медицинска помош, во пожарот полесно се повредени две лица, на кои медицинскиот тим им укажал помош. Полицијата врши увид за да се утврдат причините за пожарот.

Според соопштението, противпожарните екипи излегле на терен со две возила и екипа на брзата помош, а подоцна се приклучиле уште две возила и повеќе пожарникари.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот