Во текот беа одиграни два натпревара од второто коло во групата „Б“ на Светското клупско првенство, а и покрај победата, Атлетико Мадрид се наоѓа на работ на елиминација.

Шпанскиот гигант ја оправда улогата на фаворит и со 3-1 го совлада Сиетл Саундерс. Стрелци за Атлетико беа Пабло Бариос (2) и Аксел Витсел, додека почесниот погодок за американскиот тим го постигна Алберт Руснак.

Вториот натпревар го донесе најголемо изненадување досега на турнирот. Европскиот шампион, францускиот ПСЖ, кој во првото славеше убедливо над Атлетико со 4:0, загуби од бразилскиот Ботафого со 1-0. Победничкиот гол за тимот од Рио де Жанеиро го постигна Игор Жесус, со што ситуацијата во групата дополнително се искомплицира.

Сега, ПСЖ со победа над Сиетл сигурно ќе обезбеди пласман понатаму, додека Атлетико мора да го победи Ботафого со најмалку три гола разлика.

Постојат и минимални шанси шпанскиот тим да се пласира понатаму со било каква победа, но само доколку ПСЖ не го совлада Сиетл, што не е многу веројатно сценарио.