Единицата за брзо распоредување на МВР, по повод 24 години од постоењето, одлучи да изведе показна вежба во разбивање демонстранти, која се одржа на градскиот плоштад во Кавадарци. Една група „демонстранти“, веројатно и самите припадници на полициската единица, глумеа гневна толпа, а другата група, во полна опрема, глумеше дека ја потиснува и разбива толпата.

Коментарите на видеото објавено од локалните фејсбук-страници во Кавадарци се разновидни. Додека едни сметаат дека во целата вежба има комични елементи, а други дека полицајците во реална ситуација не би се соочиле со толку мал отпор, трети прашуваат: Дали ова е тренинг за евентуалните масовни протести кои ги очекува власта?