Меѓународниот кривичен суд во Хаг (МКС) соопшти дека покренува истрага за ситуацијата во Украина, a oбвинителот на овој суд, Британецот Карим Кан, потсети дека на 28 февруари обелоденил дека бара дозвола да покрене истрага за ситуацијата во Украина, врз основа на претходните заклучоци на неговиот правен тим.

-Ми се чини дека циклично се случуваат некои работи во светот, но за жал или за среќа некако таа правда не ги допира богатите и моќните. Една од темите во која се разговара е дали Путин веќе е зрел за да се испрати да одговара во Хаг, но исто така треба да се потсетиме на изјавата на главниот обвинител кој што информираше предистрага се води и од многу поодамна уште од времето на анексијата на Крим, а сега истрагата ќе се прошири. Да не заборавиме една работа низ историјата особено минатиот век не се непознати ад хок судски институции гои што ги формираат победниците, коментира Гордана Дувњак во гостувањето во Утрински брифинг.

Таа се осврна на работата на Хашкиот трибунал за воени злосторства во изминатиот неколку децениски период кој беше задолжен да ги суди одговорните за воените злосторства на територијата на поранешна Југославија.

-Низ историјата го имавме на нашите простори Хашкиот трибунал за воени злосторства кој ги заврши истрагите кон крајот на 2017 година, тука е и судот во Руанда, а од 2002 година кога е формиран Меѓународниот суд во Хаг  40тина земји ја одбиваат јурисдикција на овој суд. Познато е дека постојат два типа на судски организации кои процесуираат и воени злосторства и злосторства против човештвото дела кои никогаш не застаруваат, вели Дувњак.

Друго прашање е ефикасноста на овие меѓународни судови, па постои сомневање дека нешто важно би се случило против Путин кога ќе се покрене постапката за актуелната инвазија во Украина.

-Прашање е колку тие судови се ефикасни, кога зборуваме за Меѓународниот кривичен суд во Хаг даму најчести „клиенти“ им се членови од африканските земји. Од тука можам да констатирам дека правдата е достижна само за малите и слабите ,а за неа недостижни се богатите и моќните, вели за УБ новинарката и уредник на Фокус, Гордана Дувњак.

Целиот разговор погледнете го во видеото: