Во недела на 3. април српските граѓани излегуваат на претседателски и вонредни парламентарни избори, како и локални избори во Белград и неколку други општини, па како што се ближи крајот на изборната кампања политичките противници не бираат зборови и „фрчат“ навреди на сметка на актуелните владини функционери и претседателот Александар Вучиќ кој е кандидат за нов мандат, а опозицијата ја заостри реториката и кон разни други приврзаници на власта како што се новинарите кои години наназад „одработуваат“ за Вучиќ и неговата СНС.

Пред неколку месеци во Србија граѓаните излегоа на масовни протести и барикади против инвестицијата на Рио Тинто во Србија која претседателот Вучиќ и премиерката Брнабиќ ја претставуваат како „неопходна за економскиот развој на земјата“, а граѓаните ја перцепираат како еколошка катастрофа во најава со безмилосната експлоатација на рудниците за литиум.

Токму од тоа еколошко движење произлезе и опозициска коалиција „Мораме“ која на престојните избори ќе се бори за место во српскиот парламент, но и за пад на Вучиќ од претседателската функција и спроведување на еколошки политики.

Така Александар Јовановиќ Ќута, прв на листата на коалицијата „Мораме“, гостувајќи на ТВ Хепи, во емисијата на популарниот водител Миломир Мариќ, остро ги нападна и навреди Ана Брнабиќ и Александар Вучиќ, но и самиот водител Мариќ. „Ти утре, кога некој друг ќе дојде на власт, ладно овде ќе почнеш да го плукаш Вучиќ“, му рече Ќута.

Опозициските кандидати на изборите почнаа да гостуваат на прорежимските телевизии, обидувајќи се га ја искористат секој минута простор за да ја изнесат својата програма, и да зборуваат за состојбата во Србија.

Така Александар Јовановиќ Ќута го прифати повикот да гостува на ТВ Хепи, а не пропушти да ја спомне вилата во која живееше Јованка Броз која пред некоја година и беше доделена на Ана Брнабиќ и нејзината партнерка и синот, па се осврна и на советниците на Вучиќ од светски калибар – Тони Блер и Герхард Шредер, а го навредуваше и Милорад Вучелиќ, поранешниот директор на РТС:

Како сите овие и некои други ги стави на тапет погледнете во видеото: