Вишваш Кумар Рамеш, 40-годишен маж од Лондон е единствен преживеан од фаталниот лет. Седел на седиштето 11А во авионот на „Ер Индија“, кој се урна вчераутро во Ахмедабад при што загинаа над 200 луѓе. Неговото седиште било веднаш до излезот од авионот.

Британско-индискиот државјанин не може да објасни како успеал да ја преживее несреќата на „Боингот 787-8 Дримлајнер“, кој се урна само 30 секунди по полетувањето од аеродромот „Сардар Пател“ во градот Ахмедабад, во северозападната индиска држава Гуџарат, во четврток наутро.

Lone survivor of Air India crash sat in seat 11A — but experts say that’s not usually the safest place on a plane https://t.co/lR2zxuGgUo pic.twitter.com/OWeiocoL9g

— New York Post (@nypost) June 12, 2025

Според „Њујорк пост“, 40-годишникот бил пронајден како куца низ остатоците во близина на Медицинскиот студентски дом каде што се урна авионот, при што загинаа сите 242 лица.

.

Во разговор за „Хиндустан тајмс“ од болницата каде што се лекува, Вишваш Кумар Рамеш рече:

„Кога станав, имаше тела околу мене. Бев исплашен. Станав и почнав да трчам. Имаше парчиња од авионот насекаде. Некој ме фати и ме стави во амбулантно возило“.

Amid all the horror of the Air India plane crash, this story of British national Vishwashkumar Ramesh from Leicester, who was in seat 11a, being the sole survivor and walking away with just a few scratches, is truly astonishing. pic.twitter.com/8py9Rssf0d

— Piers Morgan (@piersmorgan) June 12, 2025

Единствениот преживеан од летот во кој загинаа повеќе од 200 луѓе го опиша кошмарниот момент кога авионот ја изгубил висината и се урнал во зграда во станбена област на градот со 5 милиони жители. „Само 30 секунди по полетувањето се слушнал гласен шум и авионот се урна. Сè се случило толку брзо.“

„Бевме без зборови кога дознавме дека е во авионот. Последен пат разговаравме утрото пред да замине. Скршени сме“, изјави неговиот брат, 27-годишниот Најан Кумар Рамеш, за Гардијан. Тој рече дека самиот Висшвас му рекол: „Немам поим како излегов од авионот“.

Аџај Валги, друг роднина, изјави за Би-би-си дека 40-годишникот му се јавил на неговото семејство за да им каже дека е жив. Семејството се собрало во Лестер, Англија, чекајќи вести за неговиот брат Рамеш, кој исто така бил во авионот.

Passenger Ramesh Viswashkumar survived the Air India plane crash after reportedly jumping off the flight once it crashed.
According to news reports and Ahmedabad Police Commissioner GS Malik, he survived the crash and was taken to a hospital for treatment. He suffered injuries to… pic.twitter.com/Pj1WoYQCbU

— Brut India (@BrutIndia) June 12, 2025

Останува непознато како преживеал

Рамеш, 40, е оженет и има едно дете. Роден е во Индија и живее во Велика Британија во последните неколку години. Останува непознато како преживеал, а експертите велат дека нема сигурни докази што ја поврзуваат локацијата во авионот со веројатноста за преживување.

Се забележува дека првично, началникот на полицијата во Ахмедабад изјавил дека сите патници се претпоставува дека се мртви, заедно со неколку цивили на местото на несреќата. Сепак, тој подоцна потврди за Би-би-си дека од местото на несреќата се пронајдени 204 тела.

ВИДЕО| Најмалку 133 лица загинаа во авионска несреќа при полетување во западна Индија