Миле Бошков, претседателот на Бизнис конфедерацијата на Македонија смета дека во моментов трипартитниот социјален дијалог во моментов е на многу ниско ниво и од бизнис заедницата сведен само на аплаудирање на владините мерки и проекти.

-Како дел од бизнис заедницата најзастапени сме со аплаудирање, ова го кажувам во сатиричен контекст, но дијалогот во овој момент кога политичарите се занимаваат самите со себе е на ниско ниво – односно тоа е театар на социјален дијалог за социо-економски прашања, изјави во Утрински брифинг Миле Бошков – Бизнис конфедерација.

-Јавноста мора да знае дека бизнисот е застапуван од Стопански комори и Здруженија на работодавачи. Кога државата вели дека има прекрасен дијалог со дел од бизнис заедницата, тоа е точно, но ефектите и очекувањата кои ги имаме се мали. Сметаме дека дијалогот треба да биде постојан. Сосотојбите се менуваат и треба да бидеме во постојана комуникација, додаде Бошков, нагласувајќи дека и работниците се незадоволни и најавуваат протест за 12 декември.

Според него купувањето на социјален мир не е само низ пари.

-Треба политичарите да сфатат дека никој не се купува со пари, туку е потребен однос, треба взаемно почитување, респект, кој за жал уште некое време ќе го очекуваме додека не испорачаме исто така реципроцитет на возвраќање на љубов или нељубов, децидне е Бошков.

-Во делот на капиталните инвестиции би требало да бидеме комуницирани, но на ова прашање доколку ги прашате политичари или оние кои го креираат буџетот- ќе речат да, повелете на НР, па дискутирајте на НР, го имате Собранието, но суштината е дека треба да го негуваме односот, вели Бошков.

Според него одлуката за замрзнување на цените е задоцнето и без консултација со бизнисмените.

-Паметните компании ресурсите ќе ги зачуваат. Она што ќе го потрошат сега со замрзнати цени нема да можат да го реинвестираат наредната година. Можно е да дојде и до поголеми ценовни шокови во кои дел од компаниите нема да може да пливаат, предупредува Миле Бошков.

Целиот разговор погледенте го во видеото: