Екипите на Борнмут и Лутон вечерва го одиграа еден од најдобрите натпревари сезонава во Премиер лигата. Дебитантот во Премиер лигата, екипата на Лутон водеше со 0:3 на полувреме, а на крајот домаќините се радуваа на победа од 4:3.

Првите 45 минути за Лутон дефинитивно беа најдобрите кои овој тим ги одигра во елитното друштво. Уште во деветата минута Тахид Чонг го отвори резултатот, а потоа стрелаа Огбене и Рос Баркли за висока предноста на паузата.

Во тие моменти изгледаше дека на Бормут му се заканува катастрофа, но место тоа заиграа многу подобро и режираа луд пресврт. Избраниците на Ираола постигнаа три гола во противничката мрежа за само 14 минути. Прв погоди Соланке во 50. минута, Забарни се погрижи за 2:3, додека Семењо во 64. минута изедначи на 3:3.

Големиот пресврт го комплетираше Семењо со вториот гол на натпреварот во 83. минута. На табелата Бормут со овие три бода е на 13-тата позиција, додека Лутон е 18-ти во опасната зона со 21 бод.