Специјалниот репортер од Украина за „Утрински брифинг“ и „Слободен печат“ Кристина Атовска јавува за најновите случувања во земјата која веќе 42 дена е цел на жестоки напади на руската воена машинерија.

-Вчера ги посетив двете преградија на Киев – Ирпин и Буча. Многу е тешко да се опише сликата што може да се види. Сликата е грозоморна. Нема останато ниту една куќа, зграда, која не е ракетирана или изрешетана, вели Атовска.

-Кога ќе влезете во Ирпин сликата е постапокалиптична, но кога ќе стигнете во Буча сфаќате дека и од тоа има пострашно. Не се извадени сите тела. Има тела по улиците и под урнатините, но војската постепено расчистува зошто постои опасност под нив да има поставено мини, вели Атовска.

Таа зборуваше и за уништениот чеченски конвој кој се борел на руска страна, како и за нејзиниот контакт со чеченска сепаратистичка група која се бори на страната на Украина.

-Чеченските борци кои се врзани со Путин ги нарекуваат Путиновци или Кадировци, но вистинските Чеченци се борат на страната на Украина, ни рече еден Чеченец кој во 2014 година се борел на украинска страна во Донбас, а сега учествува во одбраната на Киев, вели Атовска.

Целиот извештај погледнете го во видеото: