Постои ли длабока држава во Македонија? Како македонската јавност реагира во однос на конфликтот во Украина?

-Од првиот ден кога започна агресијата на Русија врз територијалниот интегритет на Украина, бев иритиран од злорадосното реагирање на Македонци кои ги поврзуваа состојбите со украинскиот и македонскиот народ, вели за Утрински брифинг аналитичарот Благојче Атанасовски, политиколог.

Атанасоски ја истакнува изјавата на Путин дека Украинсците се вештачка творба како народ, што е израз кој и ние често го слушаме за нас. Тој вели дека нашата фрустрација од односите со ЕУ не смее да се рефлектира со негативен став кон украинскиот народ.

-Напротив ние треба да бидеме сочувствителни со Украинците оти и ние имаме доживеано да бидеме окупирани од соседна земја, Бугарија, вели Атанасовски.

Атанасовски смета дека длабока држава е поширок комплот од групации од различни општествени сфери кои реагираат бурно и создаваат фрустрација секогаш кога Македонија ќе направи исчекор кон почеток на преговорите со Европската унија. Длабоката држава не е заинтересирана Македонија да влезе во ЕУ, туку Македонија да остане дел од српскиот свет, при што мислам на тамошната длабока држава, вели Атанасовски.

-Длабоката држава е партија во партија, нејзини претставници има во сите партии, но сега најмногу се рефлектира преку политичката партија Левица, вели Атанасовски.

Проследете го целиот разговор во видеото