Ноември е месец на машко здравје. Пораката која ја носи е препорака до сите припадници на посилниот пол да се грижат за менталното и физичко здравје. „Слободен печат“ ги праша скопјани колку се грижат за нивното здравје. Од одговорите кои ги добивме може да се види дека одат на редовни прегледи за физичкото здравје, но на менталното не обрнуваат внимание. Прашањето за редовното одење на психијатар или психолог е стигматизитано и ретко кој кажува дека оди или воопшто не посетува.

-Реално стандардно се грижам за себе, ако заболи нешто, редовни прегледи, испитувања, крвна слика два до трипати годишно- вели едне пензионер од Скопје.

Друг вели дека е нормално да се грижи за себе.

-Како ви личам, секако дека се грижам за своето здравје. Сите млади мажи мора да се грижат за себе да не дозволат работите да се искомплицираат, а знаеме да се запуштиме- вели еден скопјанец.

Друг превентивно зема лекови за простата.

-Одам на прегледи редовно, се грижам за себе, пет до 10 километри одам пешки секој ден. На контрола за канцер на простата одам редовно, супер ми е здравјето-вели граѓанин.

Друг објаснува дека редовно оди на контроли бидејќи пие терапија за притисок.

-Простата еднаш годишно ја контролирам. Препорака за младите мажи да се грижат за себе и редовно да одат на контрола, посебно крвна слика да прават која многу кажува за здравјето- вели пензионер.

За друг редовна контрола се прави на секои пет години.

-Немам проблеми и не одам на контрола. Пред 5 години сум бил сега не. Младите треба да се контролираат на 6 месеци- вели тој.

Но сите се едногласни кога станува збор за менталното здравје. Велат дека исто мора да се води сметка.

-Мора и ментално и физички да се води сметка за здравјето. Ако е физички изморен ќе се измие, но ако е ментално уморен мора да оди на психијатар, психолог. Менталното здравје создава проблеми со физичкото здравје- вели еден скопјанец.

Тој објаснува дека кај нас се уште се стигматизира менталното здравје. Ако каже некој дека бил на психијатар се се преувеличува.

Целата анкета на нашта колешка Агнеса Чаволи погледнете ја тука: