Алекс Маркез од Гресини за првпат во кариерата се најде на највисокото скалило на подимот откако славеше на легендарната птека „Силверстоун“ во трката за Големата награда на Британија.

Маркез на денешниот спринт славеше со 366 илјадинки предност во однос на Марко Бецеки од ВР46, а последното место на подиумот му припадна на возачот на Априлија, Маверик Вињалес.

Победата во спринт трка не се брои како победа на Гран При, но дефинитивно ова беше најдобра трка за Маркез од неговото деби во Мото ГП.

Во генералниот пласман, Бањаја е лидер со 194 бодови, зад него следи Бецеки со 167, па Мартин со 163.