Албанскиот планинар од Пешкопеја Изет Шулку со неговото друштво викендов од врвот Голем Кораб го симнаа македонското знаме и го закачија албанското.

„Кораб е на Албанија и таму нема место за македонското знаме“, напиша Шулку на својот фејсбук-профил и го објави видеото.

На врвот Голем Кораб, кој му припаѓа на Националниот парк „Маврово“ стои информативна табла со налепница испишана на македонски јазик со надморската височина на врвот – 2.764 метри и со податок дека корабскиот планински масив е во две земји, Македонија и Албанија, која Шулку исто така ја искина и ја фрли.

Засега нема реакции од македонските власти за оваа дрска провокација на групата албански планинари кон македонскиот државен симбол. На Фејсбук видеото од „Тарзан“ наиде на симпатии кај албанската публика.