Пожарот кај дојранското село Николиќ попладнево се заканува да се прошири кон неколку куќи во селото, но и кон фабрика во која е складиран метан, алармираат граѓаните на социјалните мрежи, додека градоначалникот на Дојран, Анго Ангов, објави драматичен апел за помош до сите државни институции.

Ангов состојбата со пожарот, кој се шири со голема брзина носен од силниот ветер, ја нарече алармантна.

„АПЕЛ ЗА ПОМОШ ДО СИТЕ НАДЛЕЖНИ!!! Потребна е воздушна помош поради алармантната состојба со пожарот во село Николиќ!“, напиша тој во објавата.