На длабочина од 3.000 метри под мразот на Антарктикот, пронајден е потонатиот брод Ендуранс, потопен пред 106 години, на кој пловел еден од најголемите светски истражувачи, Сер Ернест Шеклтон, соопшти експедицијата.

Едреникот со три јарболи се загубил во ноември 1915 година во првиот неуспешен обид на Шеклтон да го премине Антарктикот по копно.

Сите досегашни обиди да се лоцираат дрвените остатоци од бродот долг 144 метри, чија локација беше запишана во дневникот од капетанот на Едуранс, Френк Ворсли, пропаднаа поради суровите услови во областа на Веделското Море.

Но, мисијата Ендуранс 22, организирана од Falklands Maritime Heritage Trust, користејќи напредни подводни возила Sabertooths опремени со камери и скенери со висока резолуција, успеа точно да го лоцира бродот.

Снимките покажаа дека бродот е во исклучително добра состојба, а неговото име е јасно видливо на крмата. Менсун Боунд, еден од водачите на истражувачката експедиција, изјави дека сите членови биле „преплавени од среќа“.

„Ова се убедливо најдобро сочуваните остатоци од дрвен брод што сум ги видел“, рече тој.