Шпанскиот ветеран Санти Казорла ќе го продолжи својот фудбалски пат и на 40 години.

Поранешниот репрезентативец на Шпанија потпиша нов едногодишен договор со Овиедо. Казорла се врати во шпанскиот фудбал минатата година откако претходно три сезони играше за Ал-Сад.

Малку фалеше ветеранот со Овиедо да избори пласман во Ла Лига, но реваншот од баражот со Еспањол беа поразени со 2:0, па така не им помогна победата од првиот натпревар со 1:0.

Казорла најголем дел од кариерата помина во Виљареал каде што одигра три мандати. Голема трага остави и во Арсенал каде што беше од 2012 до 2018 година.

За репрезентацијата на Шпанија на 81 натпревар постигна 15 голови.