Во дворот на основното училиште „Ванчо Китанов“ во Пехчево денеска се одржа настанот „Вело родео“, со кој децата преку радост и позитивна енергија учат за важноста на одржливиот начин на живот и заштитата на животната средина.

Настанот го реализираше платформата „Вело училишта“, со поддршка и финансиска помош од Општина Пехчево, како дел од програмата за култура, спорт и образование

Според организаторите, целта е најмладите и нивните семејства да го доживеат велосипедот како еколошка, здрава и забавна алтернатива за секојдневна мобилност.

„Со „Вело родео“ сакаме да покажеме дека велосипедот не е само играчка, туку и најеколошко превозно средство.Детската радост и нивната вклученост денеска потврдуваат дека иднината на одржливиот транспорт почнува од најмладите“, изјавија од „Вело училишта“.