Велика Британија во неделата ја заврши национализацијата на железничката компанија ц2ц, како дел од планот за обединување на фрагментираните услуги за железнички превоз на патници.

Превозникот ц2ц обезбедува железнички услуги помеѓу лондонската станица Фенчерч Стрит и јужен Есекс, и е под контрола на италијанската државна железничка компанија Trenitalia од 2017 година.

Компанијата ц2ц во иднина ќе биде управувана од државната британска компанија ДФТ Оператор, која веќе ги презеде национализираните превозници Саут Вестерн Реилвеј, Нортерн, Tранспенин Експрес, Саутистерн и ЛНЕР, по лошите деловни резултати.

Купените билети остануваат валидни и нивните цени „нема да се променат како директен резултат од трансферот“, соопшти ДФТ, пишува Н1 Хрватска.

Превозникот ц2ц имаше вкупна оценка за задоволство на патниците од 89 проценти, според најновото истражување на надзорниот орган Tранспорт Фокус, ставајќи го на шестото место во однос на квалитетот на услугите од 22 превозници. Следна во програмата за национализација е Голема Англија, која ќе биде преземена од државата на 12 октомври.