Денеска и утре на програмата во Лигата на шампионите се осминафиналните натпревари, а најголемото дерби од денешните средби е дуелот помеѓу Реал Мадрид и Атлетико кој се игра од 21:00 часот на „Сантијаго Бернабеу“.

Реал Мадрид првиот дел од натпреварувањето го заврши на 11. место и помеѓу најдобрите осум стигнаа ппреку плеј-офот. Атлетико Мадрид од друга страна беше петти и не играше дополнителни два натпревари.

Aтлетико го дочекува натпреварот во подобра форма бидејќи „кралевите“ на последните пет натпревари во Ла Лига имаат само една победа и по две реми и два порази. Со тоа дозволија Барселона и Атлетико да ги прескокнат на табелата. Реал е трет со 54, Атлетико има 56, Барселона 57.

Исто така Атлетико оваа сезона игра добро во големите натпревари и не изгуби од Реал или Барселона, „јорганџиите“ се во четири натпревари во низа без пораз против градскиот ривал.

Oсвен мадридското дерби вечерва се играат уште три натпревари и тоа: ПСВ – Арсенал и Борусија Дортмунд – Лил од 21:00 часот и Клуб Бриж – Астон Вила од 18:45 часот.