Соединетите Американски Држави воведоа санкции за девет физички и едно правно лице кои се поврзани со Иран, соопшти американското Министерство за финансии.

„Ројтерс“ се повикува на соопштение кое е објавено на официјалната интернет-страница на Министерството, но засега нема детали за кои лица станува збор.

Новите санкции се воведени на 40 години од упадот во зградата на американската дипломатска мисија во иранската престолнина Техеран.

По повод на овој настан, денес повеќе од илјада Иранци излегоа на улиците, во близина на зградата на амбасадата на САД во Техеран, извикувајќи „смрт за Америка“.