Македонскиот ракометен клуб Вардар го најави новото засилување за следната сезона. По пауза од неколку сезони, дресот на „црвено-црните“ повторно ќе го облече пивотменот Кристијан Анастасовски.

Атанасовски кој има 29 години се враќа во клубот како замена за Михаил Аларов кој ќе си замине од редовите на Вардар.  Сезонава Атанасовски зад себе има одлични настапи во дресот на Тиквеш и како што информираат од Вардар тоа било пресудно да одлучат да го вратат.

„Чест и задоволство е да бидам дел од клуб каков што е Вардар. Таму ги почнав моите ракометни почетоци и среќен сум што сега повторно се враќам. Вардар е европски клуб со големи успеси зад себе. Се надевам дека заедно ќе имаме уште многу победи и успеси“, изјави Анастасовски.

Покрај за Вардар, Анастасовски има настапувано и за Работнички, Охрид, францускиот Анже и косовскиот Кастриоти. Исто така, беше дел и од младинската репрезентација на Македонија која настапи на ЕП 2014 година.