Семејството на починатиот Коби Брајант, неговата сопруга и трите ќерки ќе добијат оштета од 28.85 милиони долари поради фотографиите телото на Коби направени по трагичната несреќа.

Полицајците кои биле на местото на несреќата го фотографирале и снимале телото на Коби, а потоа тие снимки биле споделувани. Спогодбата ги вклучува и 15 милиони долари што поротата ги додели на семејството претходно во август.

„Денес се одбележува успешната кулминација на храбрата битка на госпоѓата Брајант да ги повика на одговорност оние кои се вклучија во ваквото однесување“, објави адвокатот на семејството, Луис Ли.

Во тужабата Ванеса наведе дека долго време живеела во страв поради тие фотографии, затоа што можеле да се појават на интернет и таму да ги видат нејзините деца, што би предизвикало дополнителна траума.

Коби со неговата ќерка Џана (13) загинаа во хеликоптерската несреќа која се случи на 26-ти јануари 2020 година во близина на Лос Анџелес, заедно со нив во хеликоптерот имаше уште седум лица.