Руд Ван Нистелрој привремено е на клупата на Манчестер јунајтед до доаѓањето на Рубен Аморим кој ќе го преземе тимот со почетокот на неделата која следи.

Пред својот последен натпревар на клупата како главен тренер против Лестер в недела од 15:00 часот, Ван Нистелрој не крие дека е еден ден би сакал повторно да го води Манчестер јунајтед.

„Навистина многу размислував пред да дојдам и да работам како помошник. Но, знаев дека ова е посебна прилика за мене. Имам големи амбиции и би сакал еден ден да сум главен тренер на клубот, но тоа нема да биде сега“, изјави Ван Нистелрој.

На Ван Нистелрој воопшто не му одеше лошо на клупата на „црвените ѓаволи“ и во три натпревари забележа две победи.