Увозот на украински јајца во Хрватска речиси експлодираше. Бројките оваа година се веќе повисоки од целата претходна година. Додека домашните производители се на нозе и тврдат дека хрватското производство на јајца ќе страда како резултат на тоа, надлежното Министерство тврди дека увезените јајца само се преработуваат тука и се испраќаат понатаму.

Увозот на јајца од Украина во Хрватска доживеа остар скок оваа година, а бројките веќе го надминуваат целиот износ од минатата година. Податоците покажуваат дека дури 90 проценти од увезените јајца доаѓаат од Украина, што предизвика силен бран незадоволство кај домашните производители кои тврдат дека хрватското производство е сериозно загрозено.

„Откако се приклучивме на ЕУ, се прават напори систематски да се уништи домашното производство, да се ослободи просторот за увозното лоби за да може да увезува јајца“, изјави за Нова ТВ, Маријан Лукач, сопственик на компанија специјализирана за одгледување кокошки несилки.

И додека домашните земјоделци предупредуваат на економски притисок и можни последици за одржливоста на домашното производство, Министерството за земјоделство испраќа поинаква порака. Тие тврдат дека повеќето јајца од Украина не остануваат во Хрватска, туку се користат за преработка, а потоа се извезуваат во земјите од ЕУ, пренесува Н1 Хрватска.