Македонскиот атлетичар Дарио Ивановски продолжува да реди успеси на меѓународната сцена, овојпат носејќи победа за нашата репрезентација на Европското екипно првенство во третата дивизија, кое се одржува во Марибор.

Во трката на 5.000 метри, Ивановски беше убедливо најдобар, финиширајќи со време од 14:04.06 минути негов најдобар резултат оваа сезона. Иако 10 секунди послаб од личниот рекорд, настапот беше импресивен, особено со оглед дека второпласираниот Исланѓанец Балдвин Магнусон заостана цели 26 секунди, а дел од ривалите не успеаја ни да го завршат кругот во исто време со македонскиот ас.

Ова беше втора победа за македонскиот тим во Марибор, откако претходно Андреас Трајковски доминираше во скокот во далечина, освојувајќи прво место и носејќи важни поени за нашата селекција.

Андреас Трајковски со одличен скок донесе победа за Македонија на европскиот тимски атлетски шампионат