Скандалот со притворањето на македонскиот дипломат Миле Миленкоски, кој беше притворен во Србија по потерница од Интерпол, доби нов пресврт, откако е објавен документ на МНР дека уште во април бил уапсен Бранислав Димитријевиќ, бегалецот кого од Ереван со приватен авион го извлекле тројца вработени во МНР, објави Телма.

Дописот, со кој македонската амбасада во Загреб известува за екстрадициониот притвор на Димитриевиќ во Осијек, баран преку Интерпол, е објавен на социјалните мрежи, а МНР не го коментира, со образложение дека лицето наведено во него не е вработено кај нив, па оттаму овој случај не спаѓа во нивна надлежност.

Документот од април ги подгреа сомнежите во јавноста дека за аферата се знаело порано, иако министрите Османи и Спасовски изјавуваа дека, првпат слушнале во август годинава, кога Србија извести дека го уапсила дипломатот Миле Миленкоски, кој со логистика од Македонија шверцувал обвинети од Ереван до Виена.

Од МНР тврдат дека им биле побарани информации, но не биле известени за распишана потерница по некој дипломат, пишува Телма.