Денеска е последен ден од акцијата на ЈП „Водовод и канализација“, која траеше повеќе од еден месец, во која граѓаните кои имаа неплатени сметки за вода можеа да договорат  отплата на долгови без пресметка на камата.

Од претпријатието ги повикуваат потрошувачите кои имаат заостанат долг да аплицираат за склучување на договори за отплата на долговите на најмногу 48 рати за физички лица и 24 рати за правни лица, во зависност од висината на долгот, без пресметка на камата за задоцнето плаќање. Одлуката за спроведување на акцијата за отплата на заостанатите долгови без пресметка на камата не важи за органите на државната и локалната власт и другите државни органи основани согласно Уставот и со закон и институциите кои вршат дејности од јавен интерес.

Од утре, заостанатите сметки за вода ќе се наплатуваат со камата.