Во 24 коло од Првата македонска фудбалска лига екипата на Тиквеш триумфираше со 2:1 против Гостивар.

Од фудбалскиот клуб Гостивар информираа дека биле отруени со храна во Кавадарци и дека се жртви на голема завера:

– Здравјето на десетици луѓе беше загрозено само за да нѐ победат на фудбалскиот натпревар. Извештаите за оваа работа ќе бидат доставени и до федерацијата и до судските органи, со барање за истра за одговорните за оваа саботажа стои во дел од соопштението на ФК Гостивар.

Денеска Градскиот фудбалски клуб Тиквеш објави дека сите информации на ФК Гостивар се невистинити. Во продолжение целото соопштение на ГФК Тиквеш:

– Градскиот фудбалски клуб Тиквеш ја информира спортската јавност во врска со новото соопштение на ФК Гостивар, дека сите нивни информации се невистинити!

Од нивното соопштение разбравме дека фудбалерите и стручниот штаб биле сместени во карантин, но за вистина на јавноста престојувале во хотел во Неготино.

Никој од стручниот штаб на гостите пред почетокот на натпреварот не пријави проблем со фудбалерите, истите беа уредно пречекани и се беше во најдобар се до почетокот на натпреварот.

Исто така имаме информација дека поголем дел од фудбалерите верници на муслиманската вероисповед, се придржуваат кон Рамазанскиот пост.

Управата на ГФК Тиквеш ќе поднесе соодветна пријава и тужба против ФК Гостивар, за изјавените обвиненија, саботажа и клевета кон нашиот клуб, како и за манипулирање на јавноста со вистината – стои во соопштението на ГФК Тиквеш 1930 АД – Кавадарци.