Управата за јавни приходи почна постапка на обнова на јавниот клуч, кој се користи во постапката на декриптирање на МПИН пресметките поднесени преку клиентскиот софтвер при нивната обработка. Институцијата најавува дека ќе има одреден краток прекин во обработката на МПИН пресметките кои се изготвени преку клиентскиот софтвер, кој ќе трае до завршување на процесот на обнова на јавниот клуч и ги повикува даночните обврзници и вршителите на сметководствена дејност да не поднесуваат МПИН пресметки, изготвени преку клиентскиот софтвер, се до завршување на постапката на обнова на јавниот клуч.

Сите МПИН пресметки поднесени до оваа објава преку е-пошта [email protected], ќе бидат обработени, велат од УЈП.

Оттаму напомнуваат дека оваа постапка нема да има влијание на обработката на МПИН пресметките поднесени преку системот е-даночни услуги.

По завршување на целокупниот процес, Управата за јавни приходи најави дека ќе излезе со дополнителни насоки за понатамошно постапување во однос на преземање на новиот јавен клуч на УЈП и поднесување на МПИН пресметките.